საგარეო საქმეთა სამინისტრო პან გი კი მუნის საქართველოში ვიზიტთან დაკავშირებით განმარტებას აკეთებს.
გაერო-ში საქართველოს წარმომადგენელი დღეს, გაერო-ს გენერალური მდივნის აპარატში გამართავს შეხვედრებს, რის შემდეგაც გენერალური მდივნის ვიზიტის ზუსტი დრო გაირკვევა.
საგარეო საქმეთა სამინისტროს ინფორმაციით, გაერო-ს გენერალური მდივნის ვიზიტი რეგიონში გადაიდო და შესაბამისად, მისი ვიზიტი საქართველოში 23 აპრილს აღარ გაიმართება.
გაერო-ს გენმდივნის, პან გი მუნის სამხრეთ კავკასიის რეგიონში დაგეგმილი ვიზიტის გადადების შესახებ ინფორმაცია გაერო-ს გენერალური მდივნის პრესსამსახურმა გაავრცელა. უწყების ინფორმაციით, სამხრეთ კავკასიაში დაგეგმილი ვიზიტის თარიღი გადაიხედება.
ცნობისთვის, მოსალოდნელი იყო, რომ გაერო-ს გენერალური მდივანი სამხრეთ კავკასიაში სტუმრობისას, გაერო-ს ცივილიზაციის მე-7 გლობალურ ფორუმში მონაწილეობას მიიღებდა.