უცხოეთში მყოფი საქართველოს მოქალაქეების სამშობლოში ეტაპობრივი დაბრუნების პროცესი და დამატებითი მექანიზმები, რაც საქართველოს ფარგლებს გარეთ მყოფ მოქალაქეებს დაეხმარება – ამ თემებზე სასაუბროდ საქართველოს საგარეო საქმეთა მინისტრმა დავით ზალკალიანმა ვიდეოკონფერენცია გამართა.
ზალკალიანი 8 ქვეყნის საკონსულო დაწესებულებების ხელმძღვანელებს ესაუბრა.
საგარეო უწყების ინფორმაციით, ამ დრომდე სამშობლოში ორგანიზებულად დაბრუნდა საქართველოს 4000-ზე მეტი მოქალაქე, ხოლო მსოფლოს 40 ქვეყანაში ადგილზე დახმარება გაეწია ათასობით თანამემამულეს.
