როგორც ჟურნალისტებს ჯანელიძემ განუცხადა, საქართველოსთვის ძალიან მნიშვნელოვანი წელია – განსაკუთრებით, საგარეო პოლიტიკური მიმართულებით.მისი თქმით, ძალიან მნიშვნელოვანი წელია ევროინტეგრაციის პროცესისათვის.
„ვიზალიბერალიზაციის, ასოცირების ახალი დღის წესრიგია შესამუშავებელი, სხვა სექტორული თანამშრომლობაა გასაღრმავებელი. ასევე, მნიშვნელოვანია, ევროატლანტიკური ინტეგრაციის პროცესი. მნიშვნელოვანი მოვლენაა ვარშავის სამიტი, ასევე, სხვა ღონისძიებები, რომელიც წლის განმავლობაში გაიმართება და სადაც მნიშვნელოვანია პარლამენტისა და აღმასრულებელი ხელისუფლების თანამშრომლობა. ჩვენ ასეთი თანამშრომლობისათვის მზად ვართ. ერთობლივად გადავდგამთ ნაბიჯებს, რაც ქვეყნისთვის და ჩვენი საგარეო პოლიტიკისთვის არის მნიშვნელოვანი“, – დასძინა ჯანელიძემ.