საგარეჯოს მუნიციპალიტეტის სოფელ ნინოწმინდაში მამაკაცი ცივი იარაღით დაჭრეს. საუბარია “თევზების ტბების” ერთ-ერთ მეწილეზე, რომელსაც დაზიანებები მისმავე ნაცნობმა მიაყენა და შემთხვევის ადგილიდან მიიმალა.
დავით აზარიაშვილი სხეულის სხვადასხვა არეში მიყენებული ჭრილობებით საავადმყოფოში გადაიყვანეს.
დანაშაულის კონკრეტული მოტივი ჯერ-ჯერობით უცნობია.
არსებული ინფორმაციით, სავარაუდო ბრალდებულის სახლი პოლიციამ უკვე გაჩხრიკა, საიდანაც ცეცხლსასროლი იარაღი, ვაზნები და მჭიდები ამოიღო. მომხდარზე დაწყებულია გამოძიება.