საგარეჯოს მუნიციპალიტეტის სოფელ ლამბალოში არასრულწლოვანი სახლიდან, 12 წლის დის თანდასწრებით მოიტაცეს. როგორც ცნობილია გოგონას ოჯახი და პოლიცია გუშინდელი დღიდან ეძებს. არსებული ინფორმაციით, გატაცებაში 2 პირი მონაწილეობდა.
არასრულწლოვანის ოჯახი თვითმხილველებზე დაყრდნობით აცხადებს, რომ მოზარდი მათი ნაცნობის ავტომობილით გაიტაცეს. ხოლო ვინ არის პირი, ვინც 17 წლის გოგო სავარაუდოდ ცოლად შერთვის მიზნით მოიტაცა, მათთვის უცნობია.
შსს-მ გამოძიება სსკ-ს 143-ე მუხლით დაიწყო, რაც თავისუფლების უკანონო აღკვეთას გულისხმობს.