საგანგებო სიტუაციების მართვის სააგენტოში არ ადასტურებენ ინფორმაციას, რომ ბორჯომის ხეობაში, სოფელ დაბას მიმდებარე ტერიტორიაში ხანძრის ახალი კერა გაჩნდა.
როგორც საგანგებო სიტუაციების სააგენტოში აცხადებენ, „ქარის გამო ნახანძრალ ტერიტორიაზე მტვერდება დამწვარი მასა, რის გამოც ადგილზე შესაძლოა დაკვამლიანება შეინიშნებოდეს“.
მათივე განმარტებით, მთელ პერიმეტრზე ამ დრომდე მიმდინარეობს მეხანძრე-მაშველების მიერ ტერიტორიის დამუშავება.