საგამოძიებო სამსახურმა ელექტროსიგარეტისთვის განკუთვნილი უაქციზო თამბაქოს ნაწარმის შენახვა-გადაზიდვის ექვსი ფაქტი გამოავლინა

ფინანსთა სამინისტროს საგამოძიებო სამსახურის თანამშრომლებმა, შემოსავლების სამსახურის წარმომადგენლებთან კოორდინაციით, გატარებული ღონისძიებების შედეგად, მარკირებას დაქვემდებარებული განსაკუთრებით დიდი ოდენობით აქციზური საქონლის აქციზური მარკის გარეშე შენახვა-გადაზიდვის ექვსი ფაქტი გამოავლინეს და სამი პირი დააკავეს.

საგამოძიებო სამსახურის ინფორმაციით, საგამოძიებო მოქმედებების შედეგად, თბილისში, სამეგრელო-ზემო სვანეთისა და აჭარის რეგიონებში, დანაშაულში მხილებული პირებისგან ამოღებულია სარეალიზაციოდ განკუთვნილი 2 397 კოლოფი სხვადასხვა დასახელების უაქციზო სიგარეტი და ე.წ. ელექტროსიგარეტის „აიქუიოუსისთვის“ (IQOS) განკუთვნილი „ჰიითსის“ (HEETS) ფირმის 4 470 კოლოფი უაქციზო თამბაქოს ნაწარმი.

ამოღებული უაქციზო პროდუქციის საერთო საბაზრო ღირებულება 33 000 ლარს აღემატება.

გამოძიება საქართველოს სისხლის სამართლის კოდექსის მე-200 მუხლის პირველი, მეორე და მესამე ნაწილებით მიმდინარეობს, რაც სასჯელის სახით თავისუფლების აღკვეთას 6-დან 8 წლამდე ვადით ითვალისწინებს.

banner
წინა სტატიაშიხათუნა თოთლაძე : საქართველო აცნობიერებს, რომ გენდერული თანასწორობის მიღწევა შეუძლებელია ქალების ეკონომიკური გაძლიერების გარეშე
შემდეგი სტატიაგელა ნიკოლაიშვილი: როდესაც სრულად აღწერ დანაშაულს სტატისტიკაში ბუნებრივია მატება იქნება – აქვე გეტყვით, რომ დანაშაულის გახსნის მაჩვენებელიც მაღალია