საერთო სასამართლოების საკანონმდებლო პაკეტთან დაკავშირებით შემუშავებულ მოტივირებულ შენიშვნებზე, პრეზიდენტი დღეს საპარლამენტო ფრაქციების ლიდერებს, ვიცე სპიკერებს და არასამთავრობო ორგანიზაციების წარმომადგენლებს იწვევს.
პრეზიდენტის საპარლამეტო მდივნის განცხადებით, გიორგი მარგველაშვილი მათ თავად გააცნობს საკუთარ შეხედულებებს სასამართლო რეფორმაზე.
“პრეზიდენტის დავალებით ვითხოვდით შეხვედრას საკანონმდებლო და აღმასრულებელი ხელისუფლების უმაღლესი თანამდებობის პირებთან. სამწუხაროდ, ეს შეხვედრა არ შედგა,” – აცხადებს ანა დოლიძე.
როგორც ცნობილია, სასამართლო რეფორმასთან დაკავშირებულ საკანონმდებლო პაკეტს, რომელიც პარლამენტმა პრეზიდენტს ხელმოსაწერად 10 იანვარს გადაუგზავნა, გიორგი მარგველაშვილმა ვეტო დაადო და შესაბამისი მოტივირებული შენიშვნებით პარლამენტს 24 იანვარს დაუბრუნა.