ერთ-ერთი ინფექციონისტისთვის კორონავირუსის დადასტურების გამო, საჩხერის საავადმყოფოს ასამდე თანამშრომელი კლინიკაში იზოლაციაში რჩება, – ამის შესახებ საჩხერის სამედიცინო ცენტრის დირექტორმა განაცხადა. მიხეილ ქამუშაძის ინფორმაციით, პროტოკოლის მიხედვით, მედპერსონალის ბიოლოგიური ნიმუშები ლუგარის ლაბორატორიაში გადაიგზავნა და პასუხები დღის ბოლომდე გახდება ცნობილი. მანამდე კი, უსაფრხოების ზომებიდან გამომდინარე, მედიკოსები კლინიკას არ დატოვებენ. ქამუშაძის თქმით, შესწავლილია ყველა კონტაქტი. ასევე, ლაბორატორიაში გადაგზავნილია ინფექციონისტის ოჯახის წევრების ნიმუშები.
ინფექციონისტი, რომელსაც კორონავირუსი დაუდასტურდა, საჩხერის მუნიციპალიტეტის მერის მეუღლეა.