საბურთალოს რაიონში სიმონ ჩიქოვანის ქუჩის რეაბილიტაცია იწყება

თაიმერი timer.ge
ავტ.: თაიმერი timer.ge აგვისტო 20, 2018 15:31

საბურთალოს რაიონში სიმონ ჩიქოვანის ქუჩის რეაბილიტაცია იწყება

მნიშვნელოვანი

  • სარეაბილიტაციო სამუშაოები, რომლისთვისაც დედაქალაქის ბიუჯეტიდან დაახლოებით ორ მილიონ ლარზე მეტია გამოყოფილი, ნოემბრის თვეში დასრულდება

სხვა სტატიები

თბილისის მერია საბურთალოს რაიონში, სიმონ ჩიქოვანის ქუჩის რეაბილიტაციას იწყებს. მიმდინარე სამუშაოებს დედაქალაქის მერი კახა კალაძე გაეცნო.

მერიის ინფორმაციით, პროექტის ფარგლებში გზის სავალ ნაწილზე დაიგება ასფალტობეტონის საფარი, მოეწყობა ახალი სანიაღვრე სისტემა, ასევე, ტროტუარები, რომელიც აქამდე ქუჩაზე არ იყო. გარდა ამისა, მოეწყობა ორი საყრდენი კედელი, შეიცვლება მიწისქვეშა კომუნიკაციების დაზიანებული მონაკვეთები. ტროტუარებზე მოეწყობა შშმ პირთათვის ადაპტირებული გადასასვლელები, შეიცვლება გარე განათების ბოძები და დამონტაჟდება ახალი განათებები.

კახა კალაძის განცხადებით, სიმონ ჩიქოვანის ქუჩის სარეაბილიტაციო სამუშაოების ფარგლებში საპარკინგე სივრცეებიც მოწესრიგდება.

„ეს არის ინტენსიური მოძრაობით დატვირთული ქუჩა. სადაც ვდგავართ, აქ არის საპარკინგე ადგილები და ხედავთ, როგორი მოუწესრიგებელია. შეიცვლება განათების ბოძები, მოეწყობა ტროტუარები, რათა ფეხით გადაადგილება იყოს შესაძლებელი. დღეს ძალიან რთულია ამ ქუჩაზე ფეხით გადაადგილება. იმის გამო, რომ საკმაოდ ვიწრო ქუჩაა და ვერ ვახერხებთ მთლიანად მოძრაობის შეზღუდვას, ნაწილობრივ ვატარებთ სამუშაოებს. თავდაპირველად ერთ ნაწილზე გაკეთდება, რის შემდეგაც დარჩენილ ნაწილზე გადავალთ“,- განაცხადა კახა კალაძემ.

პროექტის ფარგლებში კომპანია „ჯორჯიან უოთერ ენდ ფაუერი“ წყლისა და წყალარინების ქსელების დაზიანებული მონაკვეთებს შეცვლის.

სარეაბილიტაციო სამუშაოები, რომლისთვისაც დედაქალაქის ბიუჯეტიდან დაახლოებით ორ მილიონ ლარზე მეტია გამოყოფილი, ნოემბრის თვეში დასრულდება. სამუშაოებს ტენდერში გამარჯვებული კომპანია „ბლექ სი გრუპი“ აწარმოებს.

სიმონ ჩიქოვანის ქუჩის სარეაბილიტაციო სამუშაოებს თბილისის მერთან ერთად, ინფრასტრუქტურის განვითარების საქალაქო სამსახურის უფროსი გაგი ბუაძე, საბურთალოს რაიონის გამგებელი გაიოზ ვასაძე, საკრებულოსა და პარლამენტის მაჟორიტარი დეპუტატები გაეცნენ.

თაიმერი timer.ge
ავტ.: თაიმერი timer.ge აგვისტო 20, 2018 15:31

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


7,150
ვიზიტორი
დღეში
Powered By Google Analytics