საბურთალოს რაიონში საგზაო სამუშაოები 21 მისამართზე განხორციელდა

default

საბურთალოს რაიონში, ექვსი თვის განმავლობაში, საგზაო ინფრასტრუქტურა 40 136 კვ.მ ფართობზე კეთილმოეწყო. შესაბამისი სამუშაოები ქუჩებზე, ჩიხებსა და ეზოებში განხორციელდა.

სოფელ დიღომში, გიორგი ბრწყინვალეს ქუჩაზე, 11 320 კვადრატულ მეტრ ფართობზე ასფალტის საფარი დაიგო. აგრეთვე, მოწესრიგდა დგებუაძის, ჭიათურის, აბულაძის, ხელაძის, ყურაშვილის მეორე ჩიხი, სამაჩაბლოს და ტაშკენტის ქუჩის ნაწილი, ისაკაძის კვეთიდან დავითაშვილის ქუჩამდე.

ეზოები კეთილმოეწყო შემდეგ მისამართებზე: კარტოზიას ქუჩა N1, N3, N5 და N7, პეტრე იბერის ქუჩა N4, კოსტავას ქუჩა 75, იოსებიძის ქუჩა N60, დავით აღმაშენებლის ქუჩა N64 და სხვა.

საგზაო ინფრასტრუქტურის მოწესრიგებისთვის საბურთალოს გამგეობის ბიუჯეტიდან 2 388 774 ლარი დაიხარჯა.

რეკლამის ბანერი
წინა სტატიაშისახელმწიფო ინსპექტორის სამსახური თბილისში, პოლიციის შენობიდან მოქალაქის გადახტომის ფაქტზე გამოძიებასთან დაკავშირებით განცხადებას ავრცელებს
შემდეგი სტატიაალექსანდრე მოწერელია: ჭალე- ფახულანის დამაკავშირებელი გზის რეაბილიტაცია დაიწყო