საბერძნეთში ქურდობის ბრალდებით საქართველოს 36 წლის მოქალაქე დააკავეს. ინფორმაციას ბერძნული მედია ავრცელებს.
გავრცელებული ინფორმაციით, კაცი თესალონიკში საცხოვრებელი კორპუსის გაქურდვის დროს დაიჭირეს.
გამოძიების ცნობით, ბრალდებულმა ბოლო 10 თვის განმავლობაში 8 სახლი გაქურდა. ქურდობებით გამოწვეული ზარალი საერთო ჯამში 155 000 ევროს აღწევს. მოპარულ ნივთებს შორისაა: 114 ცალი ინგლისური ოქროს მონეტა, ძვირფასი სამკაული და 1600 ევრო ნაღდი ფული, ელექტრონიკა და პირადი ნივთები. ასევე დადგინდა, რომ კაცი საბერძნეთის ტერიტორიაზე არალეგალურად იმყოფებოდა.
