საქართველოს კულტურის, სპორტისა და ახალგაზრდობის სამინისტრომ კონკურსი „საბავშვო-საყმაწვილო სახელოვნებო სკოლების/სტუდიების ხელშეწყობა“ გამოაცხადა.
კონკურსის ბიუჯეტი შეადგენს 30 000 ლარს და მისი მიზანია მოზარდების ემოციური, გონებრივი და შემოქმედებითი უნარების განვითარების ხელშეწყობა; სახელოვნებო და შემოქმედებითი უნარ-ჩვევების გამოვლენისთვის შესაბამისი გარემოს
შექმნა; არაფორმალური სახელოვნებო განათლების დაწესებულებებში ხარისხიანი კულტურულ-საგანმანათლებლო პროცესის ხელშეწყობა; უმაღლესი სახელოვნებო განათლების დაწესებულებებისთვის პოტენციური პროფესიული კადრების მომზადების ხელშეწყობა.
აღსანიშნავია, რომ 2021 წელს კონკურსი ჩატარდა სახელწოდებით „საყმაწვილო სასწავლო სტუდიების ხელშეწყობა“. კონკურსის ბიუჯეტი შედაგენდა 25 000 და მის ფარგლებში დაფინანსდა 4 პროექტი, რომელმაც მოიცვა 145 ბენეფიციარი.
კონკურსში მონაწილეობის უფლება აქვს საქართველოში რეგისტრირებულ იურიდიულ პირებს. კონკურსანტს აღნიშნულ კონკურსში შეუძლია მხოლოდ ერთი პროექტის წარმოდგენა.
კონკურსში შესაძლებელია უპირატესობა მიენიჭოს პროექტს, რომელიც:
ა) ხელს უწყობს არაფორმალური განათლების ხარისხის გაუმჯობესებას;
ბ) ითვალისწინებს პარტნიორების ფინანსურ ან სხვა ტიპის თანამონაწილეობას.
საკონკურსო განაცხადები მიიღება 2022 წლის 1 ივნისიდან 2022 წლის 10 ივნისის 12:00 საათამდე სამინისტროში, მისამართზე: თბილისი სანაპიროს ქ. N4 მატერიალური სახით ან სამინისტროს ოფიციალურ ელექტრონულ ფოსტაზე – info@culture.gov.ge
ელექტრონული დოკუმენტის სახით, ხელმოწერილი უფლებამოსილი პირის მიერ, ორგანიზაციის ბეჭდით დამოწმებული (ბეჭდის არსებობის შემთხვევაში) და დასკანერებული. კონსულტაციები შესაძლებელია შემდეგ ნომერზე: 599 02 01 98.
ინფორმაცია კონკურსში გამარჯვებული პროექტების შესახებ გასაჯაროვდება სამინისტროს ოფიციალურ ფეისბუქგვერდზე არაუგვიანეს 2022 წლის 28 ივნისისა.
საქართველოს კულტურის, სპორტისა და ახალგაზრდობის მინისტრის 2021 წლის 3 ივნისის ბრძანებით N7864 „საქართველოს კულტურის, სპორტისა და ახალგაზრდობის სამინისტროს მიერ კულტურის სფეროში განსახორციელებელი ღონისძიებების/პროექტების
ხელშეწყობის პირობების და დაფინანსების წესის შესახებ“ დამტკიცებული დაფინანსების წესი, ფორმულარები და საკონკურსო პირობები იხილეთ შემდეგ ბმულებზე:
��
დაფინანსების წესი – https://cutt.ly/7PGB6Oh
��
ფორმულარები – https://cutt.ly/ePGNsau
��
საკონკურსო პირობები – https://cutt.ly/OJhXC4i
