უკრაინის საჰაერო ძალებმა შავი ზღვიდან გაშვებული სამი რუსული რაკეტის განადგურება მოახერხეს. ამის შესახებ უკრაინის შეიარაღებული ძალების საჰაერო ძალების სარდლობის პრესსამსახური წერს.
„გავრცელებულია ინფორმაცია, რომ 14 ივნისს, 12:20-დან 13:20 საათამდე დროის ინტერვალში, უკრაინის შეიარაღებული ძალების საჰაერო ძალებმა ჩამოაგდეს ერთდროულად სამი საკრუიზო რაკეტა (სავარაუდოდ „კალიბრის“), რომლებიც უკრაინის ტერიტორიაზე შავი ზღვიდან გაუშვეს“, – წერს პრესსამსახური.