სააქციო საზოგადოება “ახმეტის ღვინის ქარხანა” დღეიდან დასეტყვილი ყურძნის მიღებას იწყებს. ეს გადაწყვეტილება მას შემდეგ იქნა მიღებული, რაც მუნიციპალიტეტი ძლიერმა სტიქიამ დააზარალა.
კომპანია პროდუქციას 50 თეთრად იმ მევენახეებისაგან ჩაიბარებს, რომლებიც სადაზღვევო პაკეტით არ სარგებლობენ.
ქარხანას ჯამში 6 ათასი ტონის ტევადობის ყურძნის მიღების შესაძლებლობა აქვს. მიღებული პროდუქციით ადგილობრივი გასაღებისთვის კომპანია სპირტს დაამზადებს.
მევენახეები დაზიანებულ ყურძენს დილიდან კრეფენ.
