იუსტიციის უმაღლესმა საბჭომ სააპელაციო სასამართლოს სისხლის სამართლის საქმეთა პალატის თავმჯდომარედ 11 ხმით ლევან თევზაძე დაამტკიცა. გადაწყვეტილება იუსტიციის საბჭომ კენჭისყრის შედეგად მიიღო. კენჭისყრაში მონაწილეობა არ მიუღია ანა დოლიძეს. მისი თქმით, მსგავსი კენჭისყრა არ ეკადრება იუსტიციის საბჭოს, რადგან არ არსებობს თავმჯდომარის შერჩევის პროცედურა. კენჭისყრაში მონაწილეობა მიიღო, თუმცა არცერთი კანდიდატისთვის მხარი არ დაუჭერია საბჭოს კიდევ ერთ არამოსამართლე წევრს ნაზი ჯანეზაშვილს.
