საახალწლოდ დედაქალაქის ქუჩები არ გადაიკეტება

news
ავტ.: news დეკემბერი 6, 2016 11:17

საახალწლოდ დედაქალაქის ქუჩები არ გადაიკეტება

ახალი წლის ღონისძიებების ფარგლებში დედაქალაქის ქუჩები არ გადაიკეტება და ძირითადი საახალწლო ღონისძიებები დედაენის ბაღში გაიმართება. ამის შესახებ ქალაქის მერმა დღეს, მერიაში მთავრობის სხდომაზე განაცხადა. ნარმანიას თქმით, საახალწლო მოსამზადებელი სამუშაოები აქტიურ ფაზაშია და სიახლეები წელსაც იქნება:

„გასულ წელს ახალი განათებებით მოირთო რუსთაველის გამზირი, მელიქიშვილის და ჭავჭავაძის გამზირები. წელსაც გვექნება ამ თვალსაზრისით სიახლეები და დამატებითი ახალი საახალწლო ილუმინაციებით მოირთვება აეროპორტის გზა და აღმაშენებლის გამზირი. მათ შორის განახლებული აღმაშენებელი, ასევე პეკინის ქუჩაზე მოხდება მოძველებული განათებების განახლება. წელს ჩვენ განსხვავებულად დავგეგმეთ ახალი წლის ღონისძიებების ლოკაციები, შესაბამისად, ახალი წლის ღონისძიებების ფარგლებში არ გადაიკეტება დედაქალაქის ქუჩები. ძირითადი საახალწლო ღონისძიებები დედაენის ბაღში გაიმართება. დედაენის ბაღი, როგორც საახალწლო ქალაქი ისე მოეწყობა და შესაბამისად, 25 დეკემბრიდან დაიწყება იქ ძირითადი საახალწლო ღონისძიებები როგორც კულტურული, ასევე გასართობი ფორმატის“, – განაცხადა დავით ნარმანიამ.

news
ავტ.: news დეკემბერი 6, 2016 11:17