საახალწლო ნაძვის ხე პრეზიდენტის სასახლეში. გიორგი მარგველაშვილმა და პირველმა ლედიმ, პატარა თემოსთან ერთად, სასახლეში შშმ ბავშვებს, სოციალურად დაუცველი ოჯახის წარმომადგენლებს, დევნილებს, მრავალშვილიან ოჯახებს, საერთაშორისო სამხედრო მისიებში მყოფ სამხედროთა და მეხანძრეთა შვილებს უმასპინძლეს.
სტუმრებს პირველმა ლედიმ განსაკუთრებული საახალწლო საჩუქარი მოუმზადა და საახალწლო ნაძვის ხის კონცერტზე, ბავშვებთან ერთად, სპეციალურად ამ ღონისძიებისთვის მომზადებული მუსიკალური ნომერი შეასრულა.
