ოდესის ოლქის გუბერნატორმა მიხეილ სააკაშვილმა ოდესის ოლქში საგანგებო მდგომარეობა გამოაცხადა…
,,ჩემი გადაწყვეტილებით, ძლიერი ქარით გამოწვეულ სტიქიურ უბედურებასთან დაკავშირებით, ოდესის ოლქში ვაცხადებ საგანგებო მდგომარეობას. ძლიერი ქარის მიერ მოგლეჯილი ხეები, ჩამოვარდნილი ელექტროგადამცემი ხაზები და ბოძები სამი ადამიანის გარდაცვალების მიზეზი გახდა… მათ შორისაა 11 წლის მოზარდი. 100-ზე მეტ დასახლებულ პუნქტში ელექტროენერგია გათიშულია,, აცხადებს სააკაშვილი.
ოდესის გუბერნატორმა მოუწოდა სასწავლო დაწესებულებებს გააუქმონ სწავლის პროცესი და სტიქიური უბედურების ზონებში სახელმწიფო მოხელეებმა შეძლებისდაგვარად შეზღუდონ სამსახურში გამოცხადება…თუმცა აღნიშნა, რომ ეს მოწოდება არ ეხება საგანგებო სიტუაციებისა და მოსახლეობისათვის სასიცოცხლოდ აუცილებელი სფეროს თანამშრომლებს.
,,კიდევ ერთხელ მოგიწოდებთ, რომ მაქსიმალურად შეიკავოთ თავი სახლიდან გასვლისაგან,, აცხადებს ოდესის გუბერნატორი.
