მიხეილ სააკაშვილის სასამართლო პროცესი კიევის პეჩერსკის რაიონულ სასამართლოში სავარაუდოდ, თბილისის დროით 12 საათისთვის დაიწყება. არსებული ინფორმაციით, სხდომაზე დასწრების საშუალებას ჟურნალისტებს არ მისცემენ.
სააკაშვილი იზოლატორიდან სასამართლოს შენობაში ცოტა ხნის წინ გადაიყვანეს. სასამართლოსთან ამ დროისთვის სამართალდამცველთა დიდი რაოდენობაა მობილიზებული. ადგილზე ელოდებიან სანდრა რულოვსს და სააკაშვილის მხარდამჭერებს.