აღნიშნულ საქმეს ვიხილავთ უკვე 6 წლის განმავლობაში და არა 9 წლის განმავლობაში, როგორც ზოგჯერ ამბობენ ხოლმე, – ამის შესახებ დიდი ოდენობით საბიუჯეტო თანხების გაფლანგვაში ბრალდებული საქართველოს მესამე პრეზიდენტის მიხეილ სააკაშვილის საქმის განმხილველმა მოსამართლემ, ბადრი კოჭლამაზაშვილმა სასამართლო პროცესზე სააკაშვილისადმი მიმართვისას განაცხადა. როგორც მოსამართლემ აღნიშნა, 9 წლის წინ სააკაშვილი პრეზიდენტი იყო და მისი პრეზიდენტობისას ამ საქმის განხილვა არ მიმდინარეობდა.
„ბრალდების მხარის მტკიცებულებების გამოკვლევა დასრულებულია. აღნიშნულ საქმეს ვიხილავთ უკვე 6 წლის განმავლობაში და არა 9 წლის განმავლობაში, როგორც ზოგჯერ ამბობენ ხოლმე. 9 წლის განმავლობაში არ ვიხილავთ ამ საქმეს, ვინაიდან 9 წლის წინ ბატონი მიხეილ ამ ქვეყნის პრეზიდენტი იყო და ის პრეზიდენტობის პარალელურად არ იყო ბრალდებული“,- განაცხადა ბადრი კოჭლამაზაშვილმა.
