მიხეილ სააკაშვილი დღევანდელი ქმედების გამო, არ გამორიცხავს, რომ დასაჯონ. საუბარია საკნიდან მისივე ხელით დახატული, საქართველოს დროშის გამოფენაზე და აქციაზე მომავალი კოლონისთვის მისალმებაზე:
“დედაჩემის თვალწინ ბადრაგმა სცადა ჩემი ფანჯრის რაფიდან ძალით ჩამოყვანა მხოლოდ იმიტომ, რომ ხალხს საკუთარი ხელით დახატული და თავის დროზე ჩემი შემოღებული საქართველოს დროშა დავუქნიე. ვერ ჩამომიყვანეს ჩემი წინააღმდეგობის გამო. ეს ხალხი ჩემს თვალში არ არიან ქართველები, საოკუპაციო რეჟიმის ჩვეულებრივი მსახურები არიან, აბა ქართველს საქართველოს დროშის დანახებაზე ასეთი რეაქცია არ უნდა ჰქონოდა. ველოდები პუტინოიდების მორიგ სარეჟიმო დასჯას. ძირს საოკუპაციო ხელისუფლება, გაუმარჯოს თავისუფალ საქართველოს” წერს მიხეილ სააკაშვილი
