საქართველოს მესამე პრეზიდენტის განცხადებით, ევროკავშირზე უარის თქმით ქვეყანა სასიკვდილო საფრთხეში აღმოჩნდა, რადგან რუსული აგრესიის შემთხვევაში ევროპა საქართველოს დასაცავად სამხედრო ძალებს არ გამოგზავნის.
შექმნილ ვითარებაში მიხეილ სააკაშვილი გამოსავალს რეგიონულ სამხედრო თანამშრომლობაში ხედავს:
„საქართველოს მეორე შანსი ახლა თურქეთთან და აზერბაიჯანთან თავდაცვის პაქტის სასწრაფოდ გაფორმებაა და დარწმუნებული ვარ, ჩვენი მეზობლები ამას დათანხმდებიან“,_ წერს სააკაშვილი.
ექსპრეზიდენტის თქმით, ბიძინა ივანიშვილი ასეთი პაქტის გაფორმებაზე არ წავა, რის გამოც ქვეყანა მხოლოდ საკუთარი ჯარის იმედზე რჩება, რომელსაც „ფაქტობრივად უბრძანეს, ხელი არ გაანძრიოს“.
