სააკაშვილი: ევროპამ მოგვცა დრო წლის ბოლომდე… ოლიგარქს უნდა გამოეცალოს ხელისუფლება

“ევროპამ მოგვცა დრო წლის ბოლომდე… ოლიგარქს უნდა გამოეცალოს ხელისუფლება, უნდა შეიქმნას ტექნიკური მთავრობა და ევროკავშირის კონტროლის ქვეშ ჩატარდეს არჩევნები” – ამის შესახებ საქართველოს მესამე პრეზიდენტი მიხეილ სააკაშვილი კლინიკა ვივა მედიდან გავრცელებულ განცხადებაში წერს.

მოვუწოდებ ყველა ჩემს თანამებრძოლს და “ნაციონალური მოძრაობის” მომხრეს, ისევე როგორც ყველა პატრიოტს, არ შემოიფარგლოს დღევანდელი აქციით. ყველა, ვინც მოგვიწოდებს დაველოდოთ რაიმე წყალობას, ვინმეს იძულებას, პრაქტიკულად გვთხოვს მორიგ ჯერზე მოვიტყუოთ თავი.

ჩვენი ევროპული მომავლის ბედი ჩვენს ხელშია. ევროპამ მოგვცა დრო წლის ბოლომდე. იმისთვის, რომ მოხდეს დეოლიგარქიზაცია, ოლიგარქს მთავრობის სახით, მთავარი ინსტრუმენტი უნდა გამოეცალოს. უნდა შეიქმნას ტექნიკური მთავრობა, რომელიც ქართველი ერის ნების გამომხატველ არჩევნებს ევროკავშირის კონტროლის ქვეშ ჩაატარებს, – წერს მიხეილ სააკაშვილი.

წინა სტატიაშისანქციების ქვეშ მოქცეული რუსული ბანკი ქართულ ბაზარს ტოვებს
შემდეგი სტატიარუსეთის საგარეო საქმეთა სამინისტრომ ლიტვის ელჩი მოსკოვში დაიბარა