საქართველოს მესამე პრეზიდენტი მიხეილ სააკაშვილი სოციალურ ქსელში წერს:
_ აჭარის გათავისუფლების დღეს ვულოცავ 40 წლის წინ შეძენილ ჩემს ძმას და მეგობარს, ახალი აჭარის აღმაშენებელს და ბათუმის სასწაულის შემქმნელს, უწესიერეს და უმაგრეს პატრიოტს ლევან ვაშალომიძეს.
დარწმუნებული ვარ, რომ მის ცხოვრებაში ბათუმის მთავარ ქუჩას დაერქმევა ლევან ვარშალომიძის სახელი.
ინფორმაციისთვის, 2004 წლის 5 მაისს დაახლოებით 15 000 ადამიანი შეიკრიბა ბათუმის უნივერსიტეტთან, ასლან აბაშიძის გადადგომის მოთხოვნით. ეს იყო ყველაზე ფართომასშტაბიანი აქცია ალსან აბაშიძის წინააღმდეგ. მშვიდობიან მოსახლეობას სამხედროები და აჭარის საკანონმდებლო ორგანოს დეპუტატები უერთდებოდნენ. ამ დროს მიხეილ სააკაშვილმა გააკეთა განცხადება, რომ აბაშიძის უსაფრთხოება უზრუნველყოფილი იქნებოდა, თუ იგი თანამდებობას მშვიდობიანად დატოვებდა. ასლანი ასეც მოიქცა. ღამე რუსეთის უსაფრთხოების საბჭოს თავმჯდომარე იგორ ივანოვი ბათუმში ჩავიდა და ის და ასლან აბაშიძე მოსკოვში გაფრინდნენ. 6 მაისს ბათუმში მიხეილ სააკაშვილი ჩავიდა და წარმოთქვა სიმბოლური ფრაზა: „ასლანი გაიქცა, აჭარა თავისუფალია“.
