რუსულმა ძალებმა დღეს ზაპოროჟიეზე სარაკეტო დარტყმა განახორციელეს, – უკრაინული მედიის ინფორმაციით, ამის შესახებ ზაპოროჟიეს ოლქის სამხედრო ადმინისტრაციაში აცხადებენ.
„დღეს დილით მტერმა ზაპოროჟიეს დაარტყა. ჩვენმა საჰაერო თავდაცვის ძალებმა წარმატებით იმუშავეს. რაკეტა საოლქო ცენტრთან ახლოს მდებარე დასახლებაში ინფრასტრუქტურის ობიექტის თავზე აფეთქდა. ობიექტი ძლიერ დაზიანდა”, – ნათქვამია ინფორმაციაში.
ოლქის სამხედრო ადმინისტრაციაში აცხადებენ, რომ წინასწარი ინფორმაციით, თავდასხმას მსხვერპლი არ მოჰყოლია.
