კიროვოგრადის რეგიონული ადმინისტრაციის ხელმძღვანელის, ანდრეი რაიკოვიჩის ინფორმაციით, რუსულმა ძალებმა რაკეტებით კროპივნიცკის საავიაციო საწარმო დაბომბეს. ამის შესახებ ინფორმაცია მედიაში ვრცელდება.
მედიის ცნობით, მიკოლაევის ჩრდილოეთით მდებარე ქალაქი კროპივნიცკის დაბომბვის შედეგად, 5 ადამიანი დაიღუპა და სულ მცირე, 25 დაშავდა. დაშავებულებს შორის არიან სამხედრო პირები.
„12:22 საათზე კროპივნიცკიში მომხდარი სარაკეტო დარტყმის შედეგად ხუთი ადამიანი დაიღუპა. დაშავდა კიდევ 25 ადამიანი, მათგან 12 სამხედრო მოსამსახურეა და 13 მშვიდობიანი მოქალაქე“, – განაცხადა რაიკოვიჩმა.
