რუსეთის საოკუპაციო ძალებმა დღეს დილით უკრაინის ქალაქ ხარკოვის სალტივსკის რაიონზე იერიში მიიტანეს. თავდასხმის შედეგად დაზიანდა მრავალსართულიანი საცხოვრებელი შენობები.
ხარკოვის საოლქო-სახელმწიფო ადმინისტრაციის ხელმძღვანელის, ოლეგ სინეგუბოვის ცნობით, დარტყმებს 2 ადამიანი ემსხვერპლა. ქალაქის მერის, იგორ ტერეხოვის ინფორმაციით კი, ამ დროისთვის არსებული მონაცემებით დაშავებულია 12 მოქალაქე.
პარალელურად, ოკუპანტებმა სარაკეტო იერიში მიიტანეს ოდესაზეც, რის შედეგადაც 6 ადამიანი დაშავდა. ქალაქის რამდენიმე უბანში დაზიანდა საცხოვრებელი სახლები და დაიწვა ავტომობილები.
