ხარკივის ნემიშლიანსკის რაიონზე რუსული ძალების მიერ განხორციელებული დარტყმის შედეგად დაშავებულთა რიცხვი 34-მდე გაიზარდა. ინფორმაციას „უკრინფორმი“ ხარკოვის საოლქო-სამხედრო ადმინისტრაციის ხელმძღვანელზე, ოლეგ სინეგუბოვზე დაყრდნობით ავრცელებს.
ხარკივის ოლქის პოლიციის მთავარი სამმართველოს ცნობით, თავდასხმას ორი ადამიანის სიცოცხლე ემსხვერპლა — სასიკვდილო დაზიანებები მიიღეს 60 წლის მამაკაცმა და ქალმა, რომლის ასაკიც ამ დროისთვის დგინდება.
დაშავებულებს შორის ოთხი არასრულწლოვანია: 12 წლის გოგონა და 3, 16 და 17 წლის ბიჭები.
ხარკივის საოლქო პროკურატურის წინასწარი ექსპერტიზის დასკვნით, რუსულმა ჯარებმა საცხოვრებელ შენობაზე დარტყმისას „S8000 ბანდეროლის“ ტიპის დრონიდან გაშვებული რაკეტა გამოიყენეს.
