რუსული მედიის გავრცელებული ინფორმაციით, რუსეთში ძებნილი ყოფილი მოსამართლე ელენა ხახალევა საქართველოში ცხოვრობს.
ამის შესახებ მისმა ადვოკატმა ისაუბრა და თქვა: „ის ნამდვილად ძებნაში იმყოფება. ამასთან, საგამოძიებო ორგანოებისთვის მისი ადგილსამყოფელი ცნობილია. ის თბილისში ცხოვრობს“.
როგორც ცნობილია, ყოფილი მოსამართლე ელენა ხახალევა სკანდალში 2017 წელს, მისი შვილის 2-მილიონიანი ქორწილის შემდეგ გაეხვა. სკანდალის შემდეგ ის რუსეთში „ოქროს მოსამართლის“ სახელით გახდა ცნობილი. 2021 წელს კი ხახალევას ბრალი თაღლითობისთვის წარუდგინეს, რის შემდეგაც მან ქვეყანა დატოვა.
