რუსული Burger King-ის დირექტორის ირინა ახმატოვას გამტაცებლებმა გამოსასყიდი მოითხოვეს. ახმატოვა სერვის “ბლა-ბლა ქარით” მგზავრობისას დაიკარგა. მალე ის მეუღლეს დაუკავშირდა და მისგან გამოსასყიდი მოითხოვეს – “მასკოვსკი კამსამოლეცი” წერს. გამტაცებლების თქმით, ახმატოვა მათთან ნარკოტიკების ზემოქმედების ქვეშ არის. თანხა, რომელსაც ისინი ითქოვენ 100 ათასი რუბლია (დაახლოებით 5 ათასი ლარი). პოლიცია თვლის, რომ ქმარს აშანტაჟებენ თაღლითები, რომელთაც არანაირი კავშირი არა აქვთ გატაცებასთან.
სხვა წყაროების თანახმად, ახმატოვას მანქანა იაპოსლავში 26 დეკემბერს იპოვეს. Audi A4 ერთ-ერთ სავაჭრო ცენტრთან იყო გაჩერებული.
29 წლის ახმატოვა მოსკოვიდან ტულაში მგზავრობისას 23 დეკემბერს დაიკარგა. ის Burger King-ის დირექტორად მუშაობდა და საახალწლოდ სახლში მიდიოდა. მან “ბლა-ბლა ქარში” თანამგზავრი იპოვა, რომელიც აღმოჩნდა სექსუალური დანაშაულებებისთვის და თაღლითობისთვის ციხემოხდილი მამაკაცი. სისხლის სამართლის საქმე “მკვლელობის” მუხლით არის აღძრული.
