უკრაინის პრეზიდენტმა ვოლოდიმირ ზელენსკიმ ონლაინ ჩართვის დროს ისრაელის წამყვანი საგანმანათლებლო და კვლევითი ინსტიტუტების სტუდენტებთან და პროფესორებთან საუბრის დროს თქვა, რომ აგრესორი ქვეყნის არმია ანადგურებს ყველაფერს, რაც მას გზაზე ეღობება.
„რუსეთი ანადგურებს ჩვენს ქალაქებს, სოფლებს, წვავს, ანგრევს და მიწასთან ასწორებს ყველაფერს, რაც გზაზე ეღობება. რუსეთის მთავარი იარაღია მძიმე არტილერია, საჰაერო ბომბები და ფრთოსანი რაკეტა. ოკუპანტები არ ფიქრობენ იმაზე თუ როგორ უნდა იბრძოლონ, მათ ძალიან პრიმიტიული ტაქტიკა აქვთ – იყენებენ ბომბებს და საარტილერიო შესაძლებლობის მაქსიმუმს“, – განაცხადა ზელენსკიმ.
