„ლეიბორისტული პარტიის“ ლიდერი და საპრეზიდენტო კანდიდატი შალვა ნათელაშვილი „რუსთავი 2“-ის ჟურნალისტსა და ოპერატორზე თავდასხმას ეხმაურება. ნათელაშვილი აცხადებს, რომ ის ჩინური კომპანია, რომელის წარმომადგენლებიც ჟურნალისტ ეკა გაგუასა და ოპერატორ ლევან კალანდიას თავს დაესხნენ, საქართველოში ბიძინა ივანიშვილმა შემოიყვანა და არცევნებში მისი გამარჯვების შემთხვევაში, აღნიშნული კომპანია ქვეყნიდან იქნება გაძევებული:
„რუსულ ოკუპაციას არაბულ-ირანულ ექსპანსიას დაემატა ჩინური დიქტატურა, ძალადობა რისი დასტურიც გახლავთ ხარაგაულის რაიონში გუშინ, “რუსთავი 2”-ის ჟურნალისტებზე განხორციელებული თავდასხმა. აღნიშნული კომპანია ქვეყანაში შემოიყვანა ივანიშვილი-ბახტაძე-საგანელიძის დაჯგუფებამ მილიონების მისათვისებლად. ჩვენი ბუნების გასანადგურებლად და ამ პროცესში რამდენჯერმე შეტაკების დროს მოსახლეობასთან წინა წლებში დაიღუპნენ და დაშავდნენ ადამიანები, რის გამოც არავის პასუხი არ უგია,“-განაცხადა შალვა ნათელაშვილმა.
