რუსთავში, თოდრიას ქუჩაზე ავტოსაგზაო შემთხვევა მოხდა.
საინფორმაციო სააგენტო „ინფო რუსთავის“ ცნობით, „ტოიოტას“ მარკის მსუბუქი ავტომობილი ქვეითად მოსიარულე ქალს იმ დროს დაეჯახა, როდესაც ის გზაზე, ზებრა გადასასვლელზე გადადიოდა.
შემთხვევის შედეგად დაშავებული 45 წლამდე ქალი სასწრაფო სამედიცინო დახმარების ბრიგადამ კლინიკა „რუსთავში“ გადაიყვანა.
ადგილზე მობილიზებული იყო საპატრულო პოლიციისა და სასწრაფო დახმარების ეკიპაჟები.
