რუსთავში, მე-8 მიკრორაიონში, მამაკაცი დაჭრეს. არსებული ინფორმაციით, მას ნაცნობმა პირმა საცხოვრებელ სახლში, ურთიერთშელაპარაკებისას ჭრილობა მუცლის არეში დანით მიაყენა.
დაჭრილი სასწრაფო დახმარების ბრიგადამ სამედიცინო დაწესებულებაში გადაიყვანა. ექიმების განცხადებით, მის სიცოცხლეს საფრთხე არ ემუქრება.
შსს-ს ინფორმაციით, დაკავებულია დაჭრაში ბრალდებული პირი. მომხდარზე გამოძიება სისხლის სამართლის კოდექსის 117-ე მუხლით მიმდინარეობს, რაც ჯანმრთელობის გაზრახ მძიმე დაზიანებას გულისხმობს.
