რუსთავში, ლეონიძის N4-ში ცხრასართულიანი კორპუსიდან 13 წლის გოგონა გადმოვარდა.
გავრცელებული ინფორმაციით, მეცხრე სართულზე ორი არასრულწლოვანი ფოტოს, ე.წ. სელფს იღებდა, როდესაც ერთ-ერთი მოზარდი კორპუსიდან გადმოვარდა.
სასწრაფო სამედიცინო დახმარების ჯგუფმა მოზარდი კლინიკაში გადაიყვანა, თუმცა მისი გადარჩენა ვერ მოხერხდა.
ადგილზე საგამოძიებო მოქმედებები მიმდინარეობს, მუშაობენ ექსპერტ-კრიმინალისტები.
როგორც პირველ არხს შემთხვევის ადგილზე განუცხადეს, თვითმხილველები დაკითხვაზე არიან გადაყვანილი.