ქალაქ რუსთავში 300-მდე მძღოლი დღეს დილიდან გაფიცულია. თბილისი-რუსთავის სამარშრუტო ხაზის მძღოლები ამ წუთებში საკონტრაქტო კომპანიის ინტერ-ტრასის ავტოსადგომზე არიან შეკრებილები.
ისინი 65 ლარიანი დღიური გადასახადის შემცირებას მოითხოვენ. გუშინ გეგმის შეუსრულებლობის გამო მძღოლსა და კომპანიის თანამშრომელს შორის ფიზიკური დაპირისპირებაც მოხდა, რასაც დღეს გაფიცვა მოჰყვა.
