რუსთავის მოსახლეობა გზის გაწმენდას და დაზიანებული არხის შეკეთებას ითხოვს. ისინი აცხადებენ, რომ ყოველი წვიმის დროს სახლების ეზოები წყლით ივსება და გადაადგილება შეუძლებელი ხდება.
შექმნილ ვითარებასთან დაკავშირებით, რუსთავის “თბილსერვისის” დირექტორის მოადგილე ბადრი მოდებაძე აცხადებს, რომ არხი პერიოდულად იწმინდება, თუმცა პრობლემას უხვი ნალექი ქმნის. მისი განცხადებით, უახლოეს პერიოდში რუსთავში დაგეგმილია სარეაბილიტაციო სამუშაოების გაკეთება და ეს პრობლემა მოგვარდება.
