რუსთავის საკრებულოში ქალაქის საკრებულოს თავმჯდომარე დავით მაღლაკელიძე, მერის მოადგილეები ნოდარ შეროზია, დავით ლობჟანიძე და ქვემო ქართლის გუბერნატორის მოადგილე ნუგზარ სალია კომპანია „ინტერტრანსის“ წარმომადგენლებს შეხვდნენ.
შეხვედრაზე რუსთავი-თბილისის მიმართულებით მგზავრობის საფასურის შემცირების საკითხი განიხილეს.
„ინტერტრანსის“ წარმომადგენელთა განცხადებით, ძველი ტარიფის – 1.30 შენარჩუნებაზე მოლაპარაკება მძღოლებთან დღესვე დაიწყება.
იმ შემთხვევაში, თუ კომპანია მძღოლებთან შეთანხმებას ვერ მიაღწევს, რუსთავის მერია „ინტერტრანსის“ მიმართ ხელშეკრულებით გათვალისწინებულ სანქციებს აამოქმედებს.
რუსთავი-თბილისის მიმართულებით სამარშრუტო მიკროავტობუსებით მგზავრობის ტარიფი ორი დღის წინ, რუსთავის მერიასთან შეთანხმების გარეშე გაძვირდა.