რუსთავი 2-ის ჟურნალისტები დაკითხვაზე იმყოფებოდნენ. ტელეკომპანიის ინფორმაციით, ბოლო ორი დღის განმავლობაში კურიერში გასული რეპორტაჟების შემდეგ ნათია ტრაპაიძე და დავით ქაშიაშვილი გამომძიებლებმა დაიბარეს. მოსამართლე ბადრი კოჭლამაზიშვილის წინააღმდეგ წაყენებული ბრალდებები მსჯავრდებულების ოჯახების მხრიდან და ქალთა კოლონიის ყოფილი თანამშრომლის ინტერვიუ -ეს ის თემებია, რაზეც პროკურატურა მედიისგან ელოდება ჩვენებებს.