“რუსთავი 2″–ის შენობასთან არხის მხარდამჭერები იკრიბებიან

ტელეკომპანია “რუსთავი 2″–ის შენობასთან “ნაციონალური მოძრაობის” ლიდერები, მხარდამჭერები და მოქალაქეები იკრიბიბებიან.

ადგილზე უკვე იმყოფება რამდენიმე ათეული ადამიანი.

შეგახსენებთ, რომ ტელეკომპანია “რუსთავი 2″–ის გენერალური დირექტორის ნიკა გვარამიას ინფორმაციით, მოსამართლე თამაზ ურთმელიძის გადაწყვეტილებით ტელევიზიის დროებით მმართველად რევაზ საყევარიშვილი დაინიშნა, არხის მოქმედ მენეჯმენტს კი უფლებამოსილება შეუჩერდა.
ადგილზე იმყოფება ,,თაიმერის,, კორესპონდენტი – მოვლენათა განვითარების შესახებ უახლეს ამბებს უწყვეტ რეჟიმში შემოგთავაზებთ.