სამაუწყებლო კომპანია „რუსთავი 2“ ეთერს სრულად23 სექტემბრიდან განაახლებს და მაუწყებლობა საინფორმაციო გამოშვება „კურიერით“ დაიწყება.
„გადაცემების ანონსებს ნახავთ, ჩვენს ვებ-გვერდზე, ფეისბუკის პეიჯზე და ეთერში“,- უთხრა რადიო თავისუფლებას „რუსთავი 2“-ის გენერალურმა დირექტორმა პაატა სალიამ.
პაატა სალიას სიტყვებით, 23 სექტემბერს გავა ეთერში დილის გადაცემაც. „კურიერის“ წამყვანების ვინაობას პაატა სალია წინასწარ არ ამჟღავნებს -„წამყვანებს იხილავთ ეთერიდან“, – ამბობს ის.
„კურიერის“ ყოფილი წამყვანები, დიანა ჯოჯუა და მიხეილ სესიაშვილი მაყურებელს 20 აგვისტოს დაემშვიდობნენ. მას შემდეგ არხზე საინფორმაციო გამოშვება არ გასულა.
