სოხუმის კონსტანტინე გამსახურდიას სახელობის სახელმწიფო თეატრის ყოფილ სამხატვრო ხელმძღვანელს, დიმა ჯაიანს დღეს საბურთალოს ამაღლების ეკლესიის ეზოში დაკრძალავენ. მსახიობს რუსთაველის თეატრიდან 14:00 საათზე გამოასვენებენ. ამჟამად თეატრში სამოქალაქო პანაშვიდი მიმდინარეობს.
საქართველოს სახალხო არტისტის ოჯახს პრემიერ-მინისტრმა, მთავრობის წევრებმა და დედაქალაქის მერმა მიუსამძიმრეს.
სოხუმის დრამატული თეატრის მსახიობი და ამავე თეატრის ყოფილი სამხატვრო ხელმძღვანელი დიმა ჯაიანი 67 წლის ასაკში, მძიმე ავადმყოფობის შემდეგ გარდაიცვალა.
