რუსმა გენერალურმა პოლკოვნიკმა ალექსანდრე ლაპინმა, რომელიც კურსკის ოლქის უსაფრთხოებას კურირებდა, უკრაინის ოპერაციამდე რამდენიმე თვით ადრე დაშალა საბჭო, რომელიც დაკავებული იყო მოწყვლადი სასაზღვრო რეგიონის დაცვით – ამის შესახებ The Wall Street Journal-ი იუწყება.
რუსული დაზვერვის ოფიციალური პირის თქმით, “ამ გაზაფხულზე მოსკოვის მიერ დანიშნული ახალი სამხედრო, გენერალ-პოლკოვნიკი ალექსანდრე ლაპინი აცხადებდა, რომ მხოლოდ სამხედროებს აქვთ ძალა და რესურსები რუსეთის საზღვრის დასაცავად. ამ გეგმამ კიდევ ერთი ხარვეზი დაამატა რუსეთის საზღვრის სუსტ თავდაცვაში, რომელიც ამ თვის დასაწყისში ჩამოიშალა, როდესაც უკრაინელმა ჯარებმა ელვისებური შეტევა დაიწყეს კურსკში. უკრაინულმა ჯარებმა გადაკვეთეს საზღვარი და რუსულ ჯარში არეულობა შეიტანეს“.
გამოცემა წერს, რომ “რა თქმა უნდა, თავად ლაპინს არ გაუღია კარი რუსეთის ტერიტორიაზე მეორე მსოფლიო ომის შემდეგ პირველი უცხოური შემოჭრისთვის “. მაგრამ მიზეზი იყო ხალხის კრიტიკული დეფიციტი, ისევე როგორც შეცდომა, რომელიც დამახასიათებელია რუსეთის უმაღლესი ხელმძღვანელობისთვის, რომელიც ხშირად არ აცნობიერებს ბრძოლის ველზე არსებულ რეალობას.
WSJ აღნიშნავს, რომ უცნობია, დაეხმარებოდა თუ არა ლაპინის მიერ დაშლილი უწყებათაშორისი საბჭო (რომელშიც შედიოდნენ სამხედრო ოფიცრები და ადგილობრივი და რეგიონული უსაფრთხოების წარმომადგენლები) მოსკოვის მხრიდან კოორდინირებული პასუხის გაცემას. მაგრამ რეაგირებაზე პასუხისმგებელი ცენტრალიზებული ორგანოს გარეშე, მოსკოვის მცდელობები კიევის ძალების განდევნაზე ჯერჯერობით ქაოტური და არაეფექტური იყო.
რუსეთის თავდაცვის სამინისტროს არ უპასუხია კომენტარზე WSJ-ის მოთხოვნისთვის. უწყებას ასევე არ გაუვრცელებია განმარტება, თუ რატომ დაუშვა უკრაინულ ჯარების მიერ რუსეთის საზღვრის გადაკვეთა.
