ვალერი ზელენოგორსკი ამერიკელ მსახიობ ანჯელინა ჯოლის, რომელმაც გაყრაზე შეიტანა დოკუმენტები, საკუთარი ხელი შესთავაზა – 67 წლის მწერალმა მიმართვა “ფეისბუქის” საკუთარ გვერდზე გამოაქვეყნა.
მამაკაცმა 41 წლის მსახიობს ურჩია “ბრედს მიაფურთხოს” (ორთოგრაფია დაცულია-რედ) და მასთან გადავიდეს საცხოვრებლად, სადაც ისინი იცხოვრებენ, “როგორც მეფეები”.
“მე ერთ სართულზე ორი ბინა მაქვს, კარებს გავჭრით, შპალიერს გავაკრავთ, ბავშვები ბაღში წავლენ, თქვენ სახლში იჯდებით დედოფალივით და ბოლოსდაბოლოს ადამიანურად დაიწყებთ ცხოვრებას” – წერს ზელენოგორსკი.
პენსიონერმა ასევე აღნიშნა, რომ ქვრივია და მარტო ცხოვრობს.
“ბაზარში ოთხი კონტეინერი მაქვს, ასევე, აგარაკი, ბაღი, ბოსტანი, ნავი, ორი მანქანა, “შკოდა” და “ნივა”, მისაბმელით – არ დავიკარგებით” – წერს მწერალი.
რუსული მედიის ცნობით, ზელენოგორსკის ნამუშევრები რეგულარურად იბეჭდება.
ანჯელინა ჯოლმა გაყრაზე საბუთები გუშინ შეიტანა. მას და ბრეტ პიტს ექვსი შვილი ყავთ.
