რუსი კომიკოსი გარიკ ოგანისიანი საქართველოში არ შემოუშვეს. ამის შესახებ მან ტვიტერზე დაწერა.
ოგანისიანი საქართველოში შემოსვლას სომხეთიდან ცდილობდა.
„ჯანდაბა, საქართველოში შესვლა ამიკრძალეს, კურიოზი. ვინმეს გადაგხდენიათ მსგავსი? რა უნდა ვქნა?…გადავწყვიტე სომხეთ-საქართველოს საზღვრებს შორის ვიცხოვრო ჩემს ძაღლთან ერთად“ – წერს კომიკოსი.
მან დოკუმენტიც გამოაქვეყნა, რომელშიც წერია, რომ „საქართველოში შემოსვლაზე უარი ეთქვა კანონმდებლობით განსაზღვრული „სხვა მიზეზით“.