რუსი დიქტატორის პუტინის წრეში არ არსებობენ ადამიანები, რომლებსაც მისი დამხობა შეუძლიათ – შვეცი

რუსი დიქტატორის პუტინის წრეში არ არსებობენ ადამიანები, რომლებსაც მისი დამხობა შეუძლიათ, – ამის შესახებ ყოფილმა საბჭოთა დაზვერვის ოფიცერმა, პუტინის თანაკლასელმა კგბ-ს ინსტიტუტში, იური შვეცმა განაცხადა.

შვეცი დარწმუნებულია, რომ დიქტატორის დღევანდელი გარემოცვა მის დამხობას არ გარისკავს.

„ის თავისთავად არარაობაა. ასეთი ადამიანები თავიანთ გარემოში ვერ ინარჩუნებენ მათ, ვინც უფრო ჭკვიანია, ძლიერია. ეს ხალხი მისთვის სახიფათოა. ამიტომ ყველა მისი მოადგილე, მისი გარემოცვა მასზე უარესია“, – აცხადებს შვეცი.

მან, ასევე, გაიხსენა რუსეთის ფედერაციის უშიშროების საბჭოს წევრები, რომლებმაც მონაწილეობა მიიღეს ბოლო შეხვედრებში და „ხმა მისცეს“ უკრაინის წინააღმდეგ აგრესიას.

„ხედავთ, ვინ იყო იქ. ესენი არიან არარაობანი, უბრალოდ ნაცრისფერი თაგვები. კრემლს ასეთი ადამიანი სჭირდებოდა და არა სახელმწიფო მოხელე. ჩვენ გვჭირდებოდა მორჩილი ადამიანი, რომელიც შეინარჩუნებდა ელცინების ოჯახის ქონებას. სულ ეს არის“, – დასძინა დაზვერვის ყოფილმა თანამშრომელმა.

შვეცი ვარაუდობს, რომ პუტინის დამხობის შესაძლებლობა გაჩნდება, თუ ის ბირთვული იარაღის გამოყენებას გადაწყვეტს.

შვეცის თქმით, კრემლის ხელმძღვანელის გარემოცვის წარმომადგენლებს შეუძლიათ მისი ლიკვიდაცია.

წინა სტატიაშიაღმოსავლეთ უკრაინის ქალაქ პოპასნაიაში საევაკუაციო ავტობუსს ცეცხლი გაუხსნეს
შემდეგი სტატიაჰუმანიტარული პაუზის დასაწყისი იქნება, უკრაინელების მიერ, თეთრი დროშების აღმართვა აზოვსტალში – მიზინცევი