10 მილიონზე მეტი ადამიანი მონაწილეობდა დღეს, რუსეთში გამართულ “უკვდავების პოლკის” მარშში, რომელიც მეორე მსოფლიო ომში ფაშიზმზე გამარჯვების თარიღს ეძღვნებოდა – ამის შესახებ ინფორმაციას ქვეყნის შსს-ზე დაყრდნობით რუსული მედია ავრცელებს.
შს სამინისტროს მიერ გავრცელებული ინფორმაციით, სულ აქცია 3 700 ადგილზე გაიმართა. მოსკოვში დემონსტრაციაზე 700 ათასი ადამიანი იყო გამოსული. მსვლელობას ქვეყნის პრეზიდენტი ვალდიმირ პუტინი მიუძღვებოდა.