მოსკოვში პოლონეთის ელჩი კარაჟინა პელჩინსკაია-ნალენჩი საგარეო უწყებაში დაიბარეს – ამის შესახებ სააგენტო “ტასი” დიპლომატიურ წყაროზე დაყრდნობით ავრცელებს.
დაბარება დაკავშირებულია ვარშავას გადაწყვეტილებასთან, რუსული ბაიკ კლუბის “ღამის მგლების” წევრები ქვეყანაში არ შეუშვას – ისინი თავისუფლების დღესთან დაკავშირებით მოტორბოლას აწყობენ. განცხადება, რომ პოლონეთი ბაიკერებს რა შეუშვებს საკუთარ ტერიტორიაზე მოსკოვში პოლონეთის საელჩოს პრეს-სამსახურმა გაავრცელა.
ბაიკერების კოლონა, რომლებიც მონაწილეობენ მოტორბოლაში “გამარჯვების გზებით- ბერლინისკენ” დღეს მოსკოვის ბაიკ-ცენტრიდან დაიძრა. გეგმით, ბაიკერები გაირბენენ რუსეთის, ბელორუსის, პოლონეთის, ჩეხეთის, ავსტრიის და გერმანიის ტერიტორიებს და 9 მაისს ბერლინში იქნებიან.
შეგახსენებთ, რომ გასულ წელს პოლონეთმა ბაიკერები არ შეუშვა საკუთარ ტერიტორიაზე, გერმანიამ კი რამდენიმე “ღამის მგელს” ვიზა გაუუქმა. მიუხედავად ამისა, ბაიკერებმა ჩანაფიქრის განხორციელება მაინც შეძლეს.
