რუსეთის ფინანსთა სამინისტროში აცხადებენ, რომ რუსეთმა სუვერენული ევროობლიგაციებით გათვალისწინებული ვალდებულებები შეასრულა და ამგვარად, ქვეყანამ საგარეო ვალის დეფოლტი თავიდან აიცილა. რუსეთს ჯამში 649 მილიონი დოლარი უნდა გადაეხადა ორი სუვერენული ობლიგაციისთვის. დავალიანების დასაფარად რუსეთს 4 მაისამდე ჰქონდა ვადა.
როგორც აპრილის დასაწყისში საერთაშორისო მედია წერდა, მიმდინარე თვის დასაწყისში სანქციების გამო, რუსეთმა ვერ გამოიყენა თავისი გაყინული სავალუტო რეზერვები სესხის მომსახურებისთვის. ამის გამო, რუსეთის მთავრობამ საერთაშორისო ობლიგაციების გადახდა რუბლებში განახორციელა იმის მიუხედავად, რომ დავალიანება დოლარებში იყო დასაფარი.
რუსეთს ვალის კონტრაქტის შესაბამისად დოლარებში დასაფარად 4 მაისამდე ჰქონდა ვადა. რუსეთის ფინანსთა სამინისტროში აცხადებენ, რომ ამჯერად, გადახდა კონტრაქტის შესაბამისად, დოლარებში განახორციელეს.
